前港男陳志健（Otto）早前與周麗淇（Niki）、呂慧儀、高鈞賢等合作無綫新劇《女警愛作戰》而成為好朋友，他們除了開工會一齊食飯外，不用開工的日子，更私下相約出來聚吓聯誼，日前他們便往打邊爐，Otto笑說：「成班人趁天氣凍烚吓烚吓好Warm！」在《女》劇中演周麗淇下屬的Otto，是一名藍帽子，每當行動都會一齊演出，日拍夜拍在車上等Roll機而「等」出友情來，Otto說：「我哋大班人好似慧儀、高鈞賢圍埋一齊就傾，Niki又好好傾，所以開工以來我哋都好開心，遲啲Niki有場Last戲，我哋冇戲o架，都會約埋一齊去探佢班。」