無綫小花何傲兒、張慧雯、林溥來及關婉珊，昨日以和服look宣傳飲食節目《勁食日本一》，又互餵日式年糕搞氣氛。傲兒表示最難忘是生食海參及其卵巢：「依家諗番都有啲驚！我都係鍾意港式嘅炆海參。（食卵巢以形補形？）係o架！價錢咁貴我諗全身都補。」問到會否擔心食物遭核輻射污染？她直言冇有怕：「反而自己喺日本冷親睇醫生，我仲將人哋塞胳肋底嘅探熱針擺咗落口。」問到有否艷遇？她即擺家姐何傲芝上枱：「我都想好似佢咁多艷遇，屋企人都笑佢好惹火，真假都有。（咁邊個真？）唔講啦！」
