何倍倩賭場耍樂享受過程
恒生新抱何倍倩（Anina）從事護膚品生意，近年她將品牌由香港拓展至美國洛杉磯，在當地開設兩層、佔地二千多呎的旗艦店，斥資共八位數，認真厲害。
Anina透露新店已籌備近一年，將於一月開業：「過咗農曆新年會同老公一齊過去主持開業儀式，新店由著名室內設計師Joey Ho操刀，佢喺國際上得過好多獎，而間店位於名店區，所以租金都唔平。」
為巡視新店裝修進度及了解當地營商環境，Anina早前前往洛杉磯並順道旅遊，她還駕車到拉斯維加斯享受美食及到賭場玩樂一番，Anina稱：「拉斯維加斯有好多米芝蓮餐廳，我去咗其中一間叫Spoon。賭場嘅氣氛好好，經常會見到一家大細一齊嚟玩，感覺好Relax，唔似澳門嗰種搵命博嘅賭錢方式。我只係識玩大細，但就輸多贏少，冇乜賭運，但好享受過程。」