邱李茂琪孭220萬綠寶肩靚
今日是除夕夜，向來有時裝觸覺的兩位名太邱李茂琪和陳君宜，今晚都會盛裝出席除夕派對，兩人早前已揀定戰衣作準備，務求由年頭靚到年尾，為2011年畫上完美句號。
楊受成外甥新抱邱李茂琪（Margaret）很重視除夕，近二十年來會去君悅除夕倒數Ball，今晚更會與夫婿邱子傑及一對仔女同去，她說與夫婿自小在外國讀書，聖誕及除夕都好想返香港同家人享天倫，至今成為習慣，故每年除夕一定留港。
名貴首飾不可少
Margaret喜歡打扮，笑言打扮過程開心，早前更到好友兼珠寶設計師Claudia Ma的珠寶店選購首飾作配襯，她睇中一條價值220萬元的哥倫比亞綠寶頸鏈，她說：「我覺得着晚裝一定要戴首飾，隨着年紀愈來愈大，會戴愈來愈大件首飾，我鍾意綠寶夠貴氣。（打扮心得？）要知道自己的優缺點先，我只可以Show到肩和鎖骨，所以揀衫都係吊帶和Tube dress為主，好在我乜嘢顏色都受到，所以今年我會揀一件好多顏色的裙。」
獨家靚袋送子淇
而徐子淇好友陳君宜（Qinnie）早已預備定靚衫作除夕派對之用，更揀了禮物送給老公鄭躬明及子淇。身為zeuz網上時裝店老闆娘的Qinnie，買禮物及揀衫可謂非常方便，她說：「我想送個豹紋同金屬Clutch畀子淇，呢個手袋係Mihai Albu專門為我間網上店設計，出面冇得賣，一定唔會同人撞款，連Lady GaGa都係搵佢做鞋。佢幫我做咗20個手袋，好多朋友都好鍾意，手工靚，設計又型。」至於老公，Qinnie則準備了一件靚靚皮褸送給對方，又型又保暖。
文：名人組