邵美琪避談婚訊利是照派
視帝黎耀祥、邵美琪及米雪等昨日出席新劇《大太監》開鏡拜神，原本因檔期辭演「西太后」慈禧的米雪，終由張可頤手上「奪回」角色，她對此深感興奮：「好彩劇組延遲咗先拍得番，今次都推咗好多劇就檔期。（損失好多？）冇計嘅！傾緊後面嗰啲（劇）喇！」祥仔笑言已「閹乾閹淨」演李蓮英，更屈膝攙扶慈禧太后。
至於飾演「東太后」慈安的邵美琪，避談與武打演員施祖男傳婚訊，有記者笑問她今年會否派利是？她甜笑說：「藝人不嬲都會派o架啦！（新婚派利是感覺唔同？）私人問題唔講喇！留番下次開記者會先講！」對於新劇《天與地》在內地禁播，她說：「咁叫內地觀眾搵朋友幫手錄，想睇嘅一定有辦法。」
