郭羨妮等遲到JJ挺肚食風

懷有三個多月身孕的郭羨妮，昨日穿上三吋斗零踭高Boot、短裙外添皮褸，為劇集《缺宅男女》宣傳，由於舉行地點為露天花園，風勢相當強勁，令郭羨妮和其他演員謝天華、鍾嘉欣等人十分難受，鍾嘉欣的短裙更被多次吹起差點走光，加上JJ遲到，眾人更要食風呆等半小時活動才開始。

兩個鬧鐘鬧唔醒

謝天華台上亦不禁向JJ說：「有錢女還有錢女（其角色），都唔可以遲到。」JJ即補鑊說：「對唔住呀，真係唔好意思。鬧鐘響咗我又瞓番。之前慣咗夜瞓，為咗宣傳緊張到七點先瞓得着，已校咗兩個鬧鐘。（買多三個啦。）睇嚟都要，惟有請食飯補數。」

吳卓羲（左起）、鍾嘉欣、謝天華及郭羨妮對新劇寄予厚望。

賈曉晨為遲到頻「耍冧」。

郭羨妮直認因貪靚而穿高跟鞋，她說：「行得穩陣冇事喎，要做個靚媽咪，有問過老公o架。」問到BB性別和是否自然分娩？她表示仍未清楚：「預產期喺出年年中，會喺香港生，因怕冇產房所以一早book咗。仔女都冇所謂啦，老公就想要女。（生幾個？）一個先，生完會喺香港住，依家已停工，喺香港有母親照顧。」她承認現脾氣較大老公要捱打。

天華倒數袋百萬

吳卓羲表示婚後亦要與母親同住，若女友不肯便把她飛掉，問到現任女友是否不願意？他說：「你哋講咋。」問到是否以十五萬酬勞出席除夕倒數活動，他不置可否只說「大概」，而謝天華更笑言過百萬酬勞。另外，羅仲謙表示暫時未需要置業，他說：「遲幾年先。（拍拖唔方便？）依家唔會嘅，同家人住亦可拍拖。（帶咗Tavia返家未？）邊個Tavia？（楊怡呀！）冇咁嘅事，都唔係拍拖。」

文：影視組