嘉穎抑壓6年怒燒紅館

歌手出身的嘉穎近年轉戰演藝界，憑電視劇《怒火街頭》中「Law霸」一角，贏盡三地視帝，片酬以幾何級數跳升，劇中不收邊幅造型加上露股一幕，令嘉穎財源及名氣湧住上，以「一股露火」燒熱全城。

近6年未有出碟的嘉穎，早前出席活動時曾直言希望趁機推出國語唱片再圓歌手夢，視帝金口一開，不少唱片公司亦有意羅致。前日傍晚6時左右，英皇高層吳雨與無綫高層樂易玲現身九龍香格里拉酒店，未幾嘉穎隨後現身，密斟一小時後，吳雨先行離開換上英皇個唱製作人Alex Fung接棒密密斟唔停，整個過程約2小時，期間嘉穎只細心聆聽安排，由樂小姐提筆寫下細節，離開時嘉穎見記者拍照亦笑笑口任影，心情靚絕，但未及細說便離開。

嘉穎由樂易玲陪同，與英皇高層吳雨在酒店咖啡廳密密傾唔停。	吳雨走後，由英皇個唱製作人Alex（左）繼續傾，樂易玲似不斷向嘉穎解說。	放大圖片

度期唱主題曲

據聞英皇有意把嘉穎羅致旗下，更開出在紅館開唱作為利誘條件，對於傳聞嘉穎昨日接受本報電話訪問時坦言：「傾吓偈啫，唔知會有乜可能性，睇吓有乜嘢可以做囉。（傾成點？）傾得好開心。」他又坦言在樂壇未有代表作，難免感遺憾。至於樂小姐則透露不止在音樂方面與英皇合作，當中還包括電影製作：「嘉穎都想拍電影，最慘係錄音都冇時間，幫《拳王》唱主題曲都仲度緊期。」吳雨則相當口密，只以「巧合」作解釋，似乎三人口供各有出入。

另聘新經理人

由於嘉穎工作繁多，其經理人要同時照顧陳法拉、徐淑敏等，無綫即為視帝另聘經理人，實行以一對一mark緊「Law霸」，簡直是「帝」王級待遇。

文：音樂組