莊思敏林忠豪酒店急開餐

Jacquelin昨日應緋聞男友林忠豪邀請在山頂出席慈善步行活動，並間接使二人首次有機會同台。現場所見他們亦應記者要求企定定大方合照，但明顯女方態度冷淡，未有一起接受訪問之餘，當問到二人是否以「情侶檔」現身時，她即斬釘截鐵地表示：「都唔係情侶，係朋友檔或者兄弟檔。（有冇發展空間？）暫時未見有進一步嘅空間。」當問到林透露追求的人一定是結婚對象，她便說：「自己唔急結婚，最重要係搵啱人選。」而記者問到林忠豪，Jacquelin有否見過他的母親？他即支吾以對：「我唔記得，冇乜印象。」對此，Jacquelin顯然大方得多，直認：「有見過，不過係喺同一個地方食飯時撞到。」

逗留四十五分鐘離去

在活動結束後，原來林忠豪一早在四季酒店訂了枱食飯，約中午十二時半見到莊乘坐林之名貴房車齊齊到達，但下車時莊刻意與林保持距離入內，逗留約四十五分鐘後，Jacquelin突然匆匆步出，而林則跟隨其後出來，莊最後未有坐回男方座駕，反之轉乘另一輛七人車自行離開。事後致電莊何以走得如此匆忙？她說：「因為趕住做嘢唔想遲到，林生話訂咗位，禮貌上都要到一到。」

谷胸上陣的甄詠珊坦言林忠豪並非佢杯茶。

午膳未夠一小時，莊思敏已急不及待趕住走，林忠豪則跟隨其後。

甄詠珊前晚谷胸到亞視出席活動，問到林忠豪是否追她？她即笑說：「應該唔係，我同佢係識咗四年嘅朋友，佢都唔係我杯茶，我鍾意一嚟就撻着嗰啲。」她又開玩笑說未有收到電話作禮物，並透露自己喜歡藝術家類型。

林忠豪以名貴房車載莊思敏到場，但後者其後另乘七人車離去。

放大圖片

文：名人組 攝：追蹤組