Bambi Suki一條龍包辦網上潮裝店
o靚模界「巨E法拉」梁雅淳（Bambi）與黃雪瑩（Suki）最近合夥網上開舖，新店取名為Subi，混合了兩人的英文名。畢業於香港演藝學院服裝設計系的Bambi，曾開設服飾店，對於今次再創業，她說：「自己一直有興趣做fashion，不過依家租金太貴，一開始就要畀3個月租，網上舖起碼可以慳咗部分成本。」二人雖屬不同經理人公司，但今次合作亦獲自己公司力撐，Suki說：「公司知我哋做自己鍾意嘅嘢，都好支持。」一向寫時裝網誌的Suki表示雖然經營網上舖較難宣傳，但亦有自己一套方法經營，她又直言：「我唔會周圍tag人，唔想煩到朋友，鍾意我哋嘅人自然會搵到我哋。」她們親手包辦設計運送新貨，Bambi說：「我哋一齊上廣州搵工廠造袋，好彩佢哋都無蝦我哋兩個女仔。」
風格迥異啱feel
提到二人的合作經過，Bambi和Suki形容兩人是「永無鬧交」的好友，由於兩人穿衣風格迥異，正好提供多種配搭風格給顧客參考，她們說：「我哋試過咁啱買同一樣嘢，但擺上身完全兩種風格。」曾經有人在網上指因她們是模特兒，身形好當然穿甚麼也好看，但她們強調：「着衫都係講求配搭，有時只要加一啲飾物，成個造型會完全唔同。」
親自設計減少撞衫
網上購物愈來愈受歡迎，但衣飾質料參差，無疑影響網上商舖的聲譽，Bambi表示大部分貨品均親自設計，同時傾向來自外國訂購現貨，Suki說：「我哋開舖目的都係唔鍾意同人撞衫，上網買嘢就係貪少人有，特別啲！」她們又強調開舖的目的是希望與有心之士分享自己獨到的時裝眼光。
攝影：唐豁莊 場地：阿貓地攤