吳鎮宇智鬥天華爭朱晨麗
影帝吳鎮宇、謝天華、徐子珊、文詠珊、杜汶澤及出爐港姐冠軍朱晨麗等，昨日在電視城出席邵氏電影《LAUGHING GOR之潛罪犯》開鏡拜神記者會。鎮宇坦言今次酬勞加碼不少，大讚同場的無綫高層樂易玲出手闊綽：「梗係有，唔加點話畀啲記者知？加嘅百分比都好高o架！」
他表示是次故事與上一集截然不同，飾演一個高智商的罪犯：「圈中要搵個似高智商嘅，冇乜邊個，哈哈！」談到會否擔心處女下海的朱晨麗拖慢進度，鎮宇即發揮大師兄風範：「我會同佢傾多啲偈，等佢放鬆啲！（次次都幫無綫帶新人？）呢啲代代相傳，幫到咪幫囉！」
有信心贏視帝
至於天華透露將與鎮宇及朱晨麗譜三角戀，問到是否獲無綫力捧做視帝，他揚言今年信心不俗：「今年兩套劇都收得，成績表見得吓人。」
而以性感造型示人的朱晨麗，獲大會以「特別介紹」登場，雖然初踏影壇感壓力，但她希望盡量避免NG，亦滿意是次片酬。
文：影視組