陳美詩揀名錶氹未來奶奶

無綫小花陳美詩與歌手孫耀威（Eric）已拍拖一段日子，早前曾傳出兩人婚訊，而Eric亦曾公開向女友派定心丸：「我都唔細，唔會花心！」雖然最近有傳憑處境劇《誰家灶頭無煙火》上位的男藝人陳智燊極力追求Macy，但Macy都不為所動，對Eric從一而終，絕無異心，十分難得！

送厚禮唔手軟

日前，Macy相約好友梁嘉琪到荃灣Shopping，為即將來臨的母親節做準備，她們一口氣逛了錶行、玉器店及傢俬舖，Macy未知是否欲行「奶奶」政策，買份厚禮冧未來奶奶，她們在錶行細心挑選，Macy睇中心頭好後，還即叫店員拿錶試戴一番，Macy揀選的全是價值約萬元的名錶，嘉琪則在旁給予意見，但最終卻未有購買。

Macy（右）與Eric感情穩定，睇嚟應該好事近。

二人到傢俬舖閒逛，Macy看來對梳化甚有興趣，而嘉琪乘機試坐按摩椅。

請媽媽食海鮮

之後，兩人到傢俬舖閒逛，兩人還不停試坐各款梳化，期間嘉琪突然走去試按摩椅，試坐時樣子看似十分舒服，Macy則沒有一齊「享受」，只在旁邊聽售貨員講解，之後繼續行街，可惜行足大半小時都沒有斬獲。

放大圖片	Macy拉埋好姊妹梁嘉琪揀母親節禮物送給未來奶奶。

事後Macy接受電話訪問，她直言已見過孫媽媽，感情還相當不俗，雖然還未揀好禮物，但母親節期間都會相約對方母親食飯慶祝：「可能同Auntie飲茶啦！雖然Eric去咗台灣，但都唔使等佢，我哋平時都有見面。（送咩禮物？）仲未決定，其實最緊要心意！」Macy除了孝敬「未來奶奶」，亦很孝順母親，她正計劃與弟弟請媽咪食海鮮餐：「同埋我打算買玉鈪氹媽咪，佢鍾意玉器。」

文：影視組