熊欣欣：交代件事唔夠
莫少聰昨日面對傳媒並接受訪問，一班好友都戥他很高興，好友熊欣欣表示曾與他通電話，指他心情輕鬆，身為兄弟總算放下心頭大石，不過由於各有各忙，還未有機會見面，熊欣欣更謂：「我覺得佢交代成件事唔夠，應同公眾講一聲對唔住，因為做咗唔好嘅榜樣，之後八月開嘅《光輝歲月》，一定唔會削減佢戲份。」
張耀揚指事發後一直有打給莫少聰，但對方沒有開電話，他又指自己兩年前跌致腰椎盆骨移位，都是莫少聰收留及照顧他，他說：「佢向來唔會對朋友say no，所以惹來呢單禍，希望佢快啲重新面對。」而莫少聰前女友洪欣表示見到他出來覺得是好事，但大家很久沒有聯絡，更指已沒有他的電話，她坦言：「我哋係兩個個體，各自生活，不過都祝福佢無事。」張國強坦言希望莫少聰可快些跟他再一起跑馬拉松及投身工作。
