陳倩揚曹敏莉肚頂肚鬥大

陳倩揚與曹敏莉（Mandy）兩位準媽媽昨為活動擔任評判，腹大便便的Mandy仍貪靚穿上三吋高跟鞋出席，不過依然「健步如飛」！由老公陪同到場的陳倩揚透露腹中「兔仔」已快八個月大，不過肚子卻明顯比佗六個月B的Mandy小，倩揚笑言：「醫生話BB喺肚入面都有四磅幾，再咁落去，出世都有八磅！」
兩位「大肚婆」碰頭密密斟，相信是交換佗Ｂ心得。
兩位「大肚婆」碰頭密密斟，相信是交換佗Ｂ心得。

問到兩位準媽媽有否交換懷孕心得？Mandy表示：「我哋啱啱見到時想攬吓，點知個肚頂住咗，要側側哋攬，可能兩個BB嗰時都傾咗陣。」二人異口同聲透露丈夫會陪入產房。而將於六月中臨盆的倩揚希望自然分娩，同時又透露將於下星期留倩影，到時會穿上mini top拍攝，她笑言：「以前冇咩身材，依家難得吖嘛，（升咗幾多cup？）兩個。」問到她們是否已幫BB改名？Mandy笑言：「老公特登買咗本辭海話要揀名，佢話中文名唔可以亂咁改！」

兩位準媽咪見到小朋友即母性大發。
  • 兩位準媽咪見到小朋友即母性大發。