周永恒遭業主隔空反擊
創作歌手周永恒（Roy）被人投訴於住宅經常發出噪音兼拖欠租金，他昨日出席樂壇新人葉慧婷（YT）新碟發布會時被問及此事，坦言對事件感到不開心：「我只係遲2、3日交租，唔係唔交吖嘛，我冇得罪人，同班鄰居關係好好，不過件事真係幾唔開心，如果我嘈、我騷擾到你，你大可以報警或者同我講，冇必要驚動傳媒，搞單新聞出嚟囉！」
自稱是Roy的業主李先生昨日主動聯絡本報，透露Roy已交了3月份的欠租，但他要澄清：「追租街招上係冇佢身份證號碼，佢打嚟幾次，說話內容好有問題，我都會考慮備案。」記者就業主反應再致電Roy，他說：「算啦，唔想再講，我只係想講遲交租啫，係咪要去到咁盡啫，唔講人情，我驚過佢啦，佢知我住喺邊。」