徐子珊諒解拍檔唔到 馬德鐘夫婦樂也融融

馬德鐘太太早前公開於微博開火，前晚兩夫婦一同出席仁愛堂活動，適逢樂易玲亦有同場出現，三人大方合照留念，馬德鐘說：「見面唔會尷尬，都冇不和。」至於和無綫合約仍在洽談中，問到太太代抱不平後合約待遇有否更好？他說：「仲未傾到。（加人工？）應該要，愈多愈好。（有冇內地公司挖角？）好似樂小姐咁講，冇咪好冇面。」而同場的傅穎第二年任大使，稍後書展出書之餘亦會同時推出公仔為慈善籌款，公仔以其花名「Pigsa」為名。

江若琳嘆可惜

昨日《洪武三十二》宣傳，新聞人物馬德鐘、陳山聰及陳鍵鋒均告缺席，只剩徐子珊、謝天華、江若琳撐場，對於同劇演員缺席宣傳，江若琳表示感到可惜，而徐子珊則笑言：「佢哋呢幾位新聞人物呢排被寫個不停，可能身心疲累啦，我講笑咋！」同時她又透露早前病到失聲，但仍死撐開工，問到她會否覺得同劇演員因病缺席宣傳不敬業？她謂：「每個人都有佢原因，可能病得好嚴重呢，都諒解同事嘅！」

對於陳山聰從未出席宣傳活動，謝天華就表示：「我唔知喎，佢呢排多病痛，希望佢快啲好番，唔通人哋病咗都要人推住病床同吊住鹽水出嚟咩！」

文：影視組