鄭嘉穎李詩韻寂寞的心 一撻即着
鄭嘉穎和李詩韻兩顆寂寞的心遇上，愛火花隨時爆發！二人在新劇飾演一對更有咀戲，監製昨日爆料指二人拍拖是好事：「男未婚、女未嫁，係拍拖就好啦！我可以攞封媒人利是。」
先後跟另一半甩拖的鄭嘉穎和李詩韻，被指在無綫新劇《拳王》中眉目傳情，對於緋聞傳出，兩位當事人昨晚拍外景時回應提問均顯得有默契，嘉穎更提詩韻小心回應，而詩韻即拍拍對方手臂表示明白。
嘉穎談到發展機會：「目前一刻冇可能，大家係朋友、同事。（覺詩韻點呢？）又叻、又靚又識做生意。」詩韻聞言反應笑晒：「喺我面前梗係咁講，唔係好就要一齊，可以做朋友啫！」