趙碩之抵上海被公安押落機

為加入寫真戰團，趙碩之（Wylie）飛往上海拍攝寫真，話說於4月11日，Wylie在領隊戴夢夢帶領下，一行人到達上海浦東機場，臨落機之際竟被公安帶走，在半小時內飽吃驚風散。她昨日於微博寫道：「到達上海後，有警察上來找人，說有狀況！把我（就一個）帶走了，所以我是從機尾被兩邊開路，下機了再有車子接走的！哈哈！感覺很大牌啊！」

本報致電Wylie，她道出事發經過時仍猶有餘悸：「當時架飛機啱啱停低，我哋準備執拾行裝落機，但係飛機突然廣播叫乘客等等，冇耐就有兩位公安走到機尾，同夢夢講佢哋手頭上有啲資料，想搵佢核對一下。攞回鄉卡核對姓名時，原來佢哋要搵嘅人係我，因為我同夢夢調咗位。」

戴夢夢虛驚一場

雖然沒有犯過法，但突然被公安帶走，Wylie已嚇得手心出汗，她說：「然後我就坐上一架車，車到我去關口，公安問我係咪唔見過證件，要對番啲資料，其後話我張回鄉卡被人盜用，詳細情況就冇再同我講，然後放我過關。後來諗番，我兩年前唔見過銀包。」

對於被帶走一事，Wylie坦言好驚：「真係驚到唔識講，當時只有我一個過去，又唔知發生乜事，好彩公安都好友善。」而夢夢則說：「我身為領隊，亦好擔心Wylie安全，幸好只係虛驚一場。」

文：專案組