嘉玲爭后拖奶奶造勢

《第三十屆香港電影金像獎》今晚於尖沙咀文化中心舉行，最後一輪五十人評審團的票數，昨晚還在點算中，因今次不少候選影帝、影后之票數相當接近，沒有出現一枝獨秀的情況，故此未到最後一刻，也未知鹿死誰手。影后方面，今次已第六度入圍金像獎影后的劉嘉玲，會憑《狄仁傑之通天帝國》與一班後輩湯唯、楊千嬅、何超儀、薛凱琪力戰，嘉玲以及薛凱琪之票數最旗鼓相當，但以劉嘉玲呼聲較高！

佩戴逾億珠寶

貴為影后大熱的嘉玲，今晚將會全力支持金像獎，除揀定靚衫、借定過億閃飾行紅地氈外，據知還拿了不少金像獎門票，call齊好友到場支持，前晚更風騷地與奶奶出席卡地亞晚宴，罕有地與奶奶結伴出席公開場合的嘉玲，笑言是受了老公梁朝偉所託，帶奶奶來看珠寶，還會順道叫奶奶揀心頭好，並叫偉仔埋單！記者問嘉玲，偉仔買禮物是否都要買兩份？嘉玲笑言：「係架，佢都幾辛苦o架，買嘅嘢都差唔多，但媽咪（奶奶）嗰份會大份啲。」

嘉玲前晚帶同奶奶揀選珠寶。

偉仔仍在爭取返港支持嘉玲。

薛凱琪冇信心

梁朝偉正於內地拍攝新片，嘉玲坦言老公應未能陪她出席金像獎：「佢仲爭取緊，我依家都唔緊張，（你係大熱喎？）好多都係，我唔知自己都係，每次提名都話我係大熱門，都慣咗，呢啲壓力我handle到。」至於心水影帝，嘉玲則表示：「發哥，不過我未睇其他戲，唔可以作準。」嘉玲表明會以平常心看待影后得失。

影后熱門之一的薛凱琪，昨出席活動時表示已選好金像獎戰衣，但不會性感，對於攞影后的信心，她坦言不大，自己則睇好劉嘉玲。薛凱琪指今晚父母會來撐場，但不知房祖名會否現身。

最佳女主角（入圍）

劉嘉玲《狄仁傑之通天帝國》

薛凱琪《分手說愛你》

湯唯《月滿軒尼詩》

楊千嬅《志明与春嬌》

何超儀《維多利亞壹號》

文：影視組