糖妹愛心靚湯Keep娃娃臉
近日成為宅男女神的糖妹（Kandy）人氣高企，只因已二十三歲的她仍保留一張可愛的娃娃臉。原來Kandy向來都有一套自家的養生秘訣，她說：「最重要當然係心境開朗啦！」自言入行後食同瞓都唔定時的Kandy，認為唔夠瞓好易令皮膚變乾，所以保濕非常重要，她說：「平日要經常飲水，仲會飲媽媽煲嘅靚湯，臨瞓前再擦埋保濕Cream，咁就內外都得到滋潤啦！」
聲帶是歌手的搵食「架生」，Kandy於保護喉嚨方面亦有獨特心得，她表示：「我入行之前會常食『清陰丸』，近來轉食『龍角散』覺得好有效，能夠將我把聲幾時都Keep住最佳狀態。」Kandy透露自己近來開始注重膚色問題，因為自小常於室外游水，故膚色比較黑：「細個游水曬得多，依家要後天補救，所以盡量唔曬太陽外，仲試緊日本一款美白丸，效果都唔錯！」
