陳嘉桓封口不提峯霜
林峯前晚現身將軍澳電視城開工拍劇，對於雜誌指潘霜霜有更多「好玩的相」尚未公諸於世，林峯說：「冇回應，大家專心番自己嘅工作，希望記者唔好再嚟搵我。（有冇聯絡霜霜？）冇，未係適當時候。（潘爸爸曾經向你訓話？）唔想牽涉咁多人，（你爸爸唔鍾意霜霜？）唔回應。（霜霜暑假出寫真，唔怕有更多新聞？）我希望專心工作。」
此外，被指是「峯霜」第三者的陳嘉桓（Rose），前晚與經理人公司老闆冼國林賀志偉生日，冼國林直斥：「話Rose係第三者絕對係一宗無聊緋聞！（開戲避用林峯？）睇劇情有冇需要，唔會抹殺合作可能，（會否用潘霜霜？）我哋公司比較傳統，開戲應該唔會有角色啱佢。」Rose則說：「公司已經發咗聲明，我都希望到此為止。」
