志偉清醒送客唔做醉壽星
曾志偉前晚搞生日宴，近百圈內圈外好友均有到賀，壽星公志偉竟然一反常態，不再醉着過生日，更清醒得自嘲：「咁我盡快飲醉啦！」
志偉前晚於有份投資的「板獎自家火鍋」擺生日宴，影壇大忙人成龍、志偉親表哥馬時亨、涉嫌停牌期間駕駛的崔建邦、佘詩曼、黃百鳴、劉偉強、商天娥夫婦、吳啟華夫婦、吳君如與陳可辛、杜德偉、湯盈盈、周家蔚等近百好友到賀，除應志偉呼籲將禮物折現捐給福幼基金外，大部分賓客均送酒作為生日禮物。
盡快隊冧自己
主人翁志偉與苗僑偉於八時許到達，志偉說：「啱啱同黃杏秀慶祝完，佢同我同一日生日，（不醉無歸？）飲咗啲啦，年年咁上下，今年撞正張學友首晚開騷，好多朋友過咗去，本來想唔搞（生日宴），班朋友話唔得，其實佢哋嚟到都係各有各玩。」志偉兒子曾國祥說：「爹哋依家飲少咗好多，識照顧自己，（幫手頂酒？）我未夠班，負責照顧佢啦，冇買嘢送畀爹哋，只希望佢休息多啲。」
生日宴進行期間，志偉曾應黃栢高要求，步出火鍋店影相，之後又送早走的馬時亨上車，兩次均表現清醒，記者問他為何未醉，他即自嘲：「咁我盡快飲醉啦！」成龍則逗留二十分鐘便離開，他說：「我聽朝早機去成都，（灌志偉飲酒？）佢好清醒呀！」
冇工開學韓語
久未露面的崔建邦則略發福，他說：「我送香檳畀師傅（志偉）做禮物。（TVB有冇安排你工作？）暫時未有，休息，趁機進修韓文，（有冇拍拖？）冇。（唔敢拍？）應該話仲有冇人夠膽同我拍拖，呢兩年真係發生好多事。」
文：影視組