千嬅向Sa芝解釋

【吳天慧北京直擊】楊千嬅近日被指自爆當年拍拖時曾被第三者騷擾，頓時令到張栢芝與阿Sa等人成為嫌疑人物，昨日千嬅到北京為Marc Cain 2011秋冬時裝騷任壓軸行騷嘉賓時力斥該報道不實，表示是被人斷章取義來轉述：「可能有人冇時間睇晒就報道！當時訪問我嘅人係80、90後嘅人，可能佢唔知我太多前塵往事。」續說：「最好笑話我自爆！其實好耐以前已經喺其他周刊講過！」至於是否真的有該第三者？她坦承，但就拒絕再回答，只說：「絕對唔關任何藝人事，唔想騷擾人！」並認為有很多人都有如此經歷，而自己已向阿Sa等人發了短訊解釋。
千嬅首次行騷，事後對表現滿意。
千嬅首次行騷，事後對表現滿意。

至於有否方法以防日後再被第三者騷擾？她說：「防咩！防蟲好過啦！好多嘢上天安排，冇得防！」她又表示信任最重要，一切順其自然；而問到造人大計？她稱現忙於工作，沒時間進行造人大計，故暫時生仔無期。

千嬅與本地設計師鄧達智（右二）等一同謝幕。
  • 千嬅與本地設計師鄧達智（右二）等一同謝幕。