過江女神：轉運要失身 千祈咪當真

頭腦簡單

呢位咁可憐嘅囡囡，係嚟自利×水療嘅小月，阿女今年啱啱21歲，佢話自己頭腦簡單，所以成日都畀人呃。話說有一次，決定搵高人指點，點知發生好可怕嘅事。小月話：「個阿叔話我呢幾年都會頭頭碰着黑，做乜嘢都唔掂，拍乜嘢拖都會散，於是問佢有乜嘢解救嘅方法，佢話可以幫我轉運，但就要我同佢上三次床，我當時乜都冇諗，只想快啲行完衰運，於是咪跟佢上床囉，點知係呃人嘅！」

你又點知道佢係呃人呢？小月話：「係啲朋友話畀我聽囉！於是跟埋成班朋友一齊去搵佢算帳，佢見人多勢眾，於是乜都爆晒出嚟，最後賠番啲錢畀我，但我肉體上嘅傷害，佢就冇賠畀我，但我唔想再見到佢，於是咪算數囉！」真係大人有大量呀！

放大圖片	小月身材真係冇得頂，難怪老是畀人𥄫中，成為落手對象。

心安理得

小月繼續話：「除咗我有咁嘅遭遇，原來近年都有好多人上當，所以我想同大家講，呢啲性交轉運，真係千祈唔好信，因為要轉運根本就唔使上床，要上床至可以轉運，就一定唔慌係大師，所以搵佢哋幫手，有用極都有限。」

小月咪認識唔少玄學大師？小月點點頭：「一啲有名嘅大師，都有去搵佢哋指點迷津，收費雖然貴啲，但令人心安理得，所以一分錢一分貨嘅道理，真係冇講錯，若果貪平幫襯啲神棍，將來嘅損失可能更多。」聽過小月嘅肺腑之言，大家真係要反醒一下，特別係女孩子，如果轉運要上床嘅，大家就知道發生緊乜嘢事，咪再上當呀！

撰文：小德 攝影：阿德