G.E.M.消瘦拒林宥嘉踩場

G.E.M.以代言人身份出席Skechers時裝騷及中環旗艦店開幕典禮，同場還有名模諸葛梓岐、Mandy Lieu及汪圓圓。五月將會進駐紅館開個人演唱會的G.E.M.，現積極練氣及操弗自己，昨日所見她確實比過往瘦了一個碼，她透露主要做運動，令肌肉結實些，還即場展示「老鼠仔」。

對於她與林宥嘉再被傳分手，G.E.M.暗示關係依舊：「我自己生活上嘅事冇轉變。（有冇叫佢嚟？）未聽過佢講，但唔會搵佢做嘉賓，如果佢嚟，焦點唔會喺音樂上，第一次演唱會唔想搵呢啲嘢嚟講，同埋冇聽過佢講話嚟唔嚟。」G.E.M.又表示現還未請任何朋友，只請了家人，而會否請林宥嘉，她說：「我呼籲佢自己買飛。（演唱會會否谷胸上陣？）唔會刻意，大家睇我演唱會唔期待呢啲。」

大晒「老鼠仔」的G.E.M.，表明怕林宥嘉搶去其個唱風頭。

G.E.M.拍住諸葛梓岐（左）、Mandy Lieu（右）及汪圓圓，頓顯嬌小玲瓏。

另外，G.E.M.演唱會的優先訂票已爆滿，她謂銷售前一晚十分擔心，幸反應好好，被問到會否擔心炒飛，她說：「我出道至今，好多都有畀人炒過，最慘啲fans係中學生，所以希望啲人自律。（加場？）如果有得唱，加畀我都可以開，老闆與同事為演唱會壓力好大，個個都變咗有躁狂症。」

諸葛冇為賣樓嗌交

將於年尾與Neway二少薛嘉麟結婚的諸葛梓岐以tube dress谷胸上陣，十分性感，問她老公會否因她性感而不悅，她即表示：「佢未將我私有化，都OK。其實做嘢，佢冇乜意見，自己會睇住。」另外，對於新婚居所大賺，兩人因賣樓嗌交一事，她認有分歧，現已有共識，會做新婚居所，她說：「我哋冇嗌交，只係有意見，大家商量吓。（若兩人有意見分歧點算？）會商量，睇吓邊個意見好啲，從來都未試過吵大鑊。」而被問到婚禮進展，她謂全由男友安排：「我好忙，佢都叫我唔好花太多心思喺結婚嗰度，專心工作，我交得畀佢，就會聽佢安排。」

文：名人組