薛凱琪爭影后唔敢性感
首次提名金像影后的薛凱琪，她表示正準備戰衣出席盛會，但不會太性感，因怕嚇親觀眾。
《第30屆香港電影金像獎頒獎典禮》的特刊封面照昨日曝光，幾項大獎的提名人均以盛裝拍攝，準影帝周潤發、張學友、張家輝、謝霆鋒及梁家輝，準影后劉嘉玲、楊千嬅、湯唯、何超儀及薛凱琪（Fiona）濟濟一堂。
Fiona昨出席發布記者會，她表示拍攝時雖然身體有點不適，依然大感興奮：「好好玩。出嚟效果好好，大家都表現到戲入面嘅特質。」她表示正準備戰衣，問到會否性感？她說：「唔需要啦，怕嚇親觀眾。（睇好邊個得獎？）嘉玲好全面，演笑片同有霸氣認真嘅角色都咁好。」
與大同眉來眼去
此外，前晚Fiona、方大同及G.E.M.等出席音樂會，Fiona與曾傳緋聞的大同眉來眼去合唱，引得fans大叫。提到林峯與潘霜霜的密照，Fiona表示未有留意。問到會否跟伴侶影親密照？Fiona以「波來波往」作比喻：「打羽毛球、網球同桌球都係生活照，唔應該攞出嚟。不過如果我認定係嗰個人就會信佢！（如果佢出賣你？）咁就當教訓囉！」
文：影視組