GiGi自爆多仔(界)
梁詠琪（GiGi）上月尾完成個唱後即遠赴西班牙旅行充電，享受獨行冒險旅程的GiGi今趟撇甩熱戀中的駐港美國領事館男友Matthew孤軍上路，但昨日GiGi竟自爆獲不少異國「熱情男」主動約會，難道不擔心男友呷醋？
GiGi昨日身穿一襲杏色短裙出席聯合國兒童基金會活動，剛從西班牙度假返港的她首度復工，她透露歡度了三星期的難忘假期，GiGi笑言：「真係行到腳軟！」由於GiGi熱愛獨個兒自由自在地旅遊，故男友Matthew並沒同行，問她日後會否帶男友故地重遊？GiGi表示：「到時再算，我做呢行時間比較彈性，其他人未必可以配合！（男友同你慶祝生日未？）未呀，啱啱先返，遲啲可能食飯補數！」
雖然男友不在身邊，但GiGi於旅程中亦不愁寂寞，她表示：「我出發前問咗有朋友嘅朋友喺當地，由佢哋帶我周圍去玩！」問GiGi可有乘機結識當地男士？她說：「歐洲人真係好熱情好客，佢哋知我一個人去旅行，會成日約我一齊去食飯飲嘢，而且仲好照顧我！」
感謝伊健唱舊作
另外，GiGi昨日在活動上代表聯合國兒童基金會接受連卡佛一張一百六十萬的支票，善款會捐到內地愛滋病教育基金，而日前她在微博所籌得的四十萬元亦會捐到該基金，善心爆棚的GiGi表示：「真係冇諗過今年反應咁熱烈，今年嘅善款數字比上年多出五倍，原本之前睇中咗架車，但依家改為捐去做善事！」
此外，對於舊愛鄭伊健在演唱會上獻唱自己歌曲《Today》，GiGi表示：「其實邊一個唱自己作品都好感謝！（佢只唱一晚？）咁要問番佢！」
採訪：音樂組