陳豪吐氣揚媺 碧兒：最緊要開心
自與前度女友廖碧兒分手後，陳豪昨出席活動時表現回復風騷，談到新緋聞女友陳茵媺，他開口大讚之餘又怨傳媒「啄」得太實，談笑風生，看來他的情傷已徹底治愈。
早前甫與廖碧兒分手，陳豪曾頹爆好一陣子，但昨出席活動不時拿着控制器把玩，表現風騷，記者笑他是否因與陳茵媺（Aimee）在蜜運中？陳豪謂只因近日休息足又多賺外快機會，至於是否情傷已愈？他即說：「唔開心嘅嘢唔好再講，新一年新開始。」
雖然他一再強調在女方所住的屋苑出現只因睇樓，但仍忍不住讚Aimee是很好的女孩，被當問到是否想「金屋藏嬌」時，他笑言：「投資啫！（近水樓台？）近水好，水為財嘛！（有發展機會？）唔知。（有冇咁嘅心？）唔識答。（係咪鍾意大胸？）嘩嘩嘩，哈哈哈，唔識答，好敏感嘅字眼。（約佢出街？）你哋啄到咁實，我有咩可以做吖！」陳豪坦言現以工作行先，一切看上天安排。
廖碧兒前晚擔任《華麗明星賽》嘉賓時，被追問到有關陳豪與陳茵媺的緋聞，雖全程面露笑容，卻不欲多提：「我都係收到好多記者朋友電話至知。（戥佢哋開心？）最緊要開心，大家都係做呢行。（會唔會求證係咪真拍拖？）冇啦！（意唔意外？）我唔知，大家都係公司同事囉！（陳豪情傷好得快？）佢哋嘅事要問番佢哋。（佢哋外形合襯？）唔知。」
廖碧兒轉移視線
及後廖碧兒惟有自爆入院做腰部手術，並透露緋聞男友林忠豪也探過她，出院後一起吃過飯，轉換話題為自己解窘。
此外，周汶錡以露背及真空晚裝任節目嘉賓，問到可有興趣入無綫拍劇？周汶錡謂不會演戲，至於是否不想跟其妹周麗淇前男友鄭嘉穎合作，周汶錡笑言「唔識答」。
文：影視組