Toby變脆麻花晒2卡鑽戒
向來熱情如火的梁靖琪（Toby），前日與未婚夫黃敏豪（Aaron）到銅鑼灣行街篤魚蛋。即使被人認出，Toby卻未有理會，仍如「脆麻花」般翹着未婚夫手臂撒嬌，大晒左手無名指上的兩卡鑽戒。
下月將滿28歲的梁靖琪，與現年31歲、從事製衣生意、擁有2億身家的男友黃敏豪，拍拖雖然不足一年，但已決定於今年拉埋天窗，早前未婚夫更送上價值六位數字的兩卡鑽戒「落訂」。正着手籌備婚禮事宜的Toby，已邀得好友唐詩詠、湯盈盈、鄧穎芝等擔任姊妹團。
一支水兩份飲
前日下午6時，記者在銅鑼灣發現戴上黑框眼鏡、身穿灰色外套、藍色頸巾的Toby，與未婚夫Aaron拍拖行街，同行還有Toby的家姐及姐夫。一行四人先往附近一間車仔麵檔篤辣魚蛋，未知Toby是否該店的熟客仔，與老闆娘傾到雞啄唔斷。
食完魚蛋，Toby即到便利店購買飲品解辣，雖然當時街上人來人往，但Toby卻未有理會，與未婚夫你一啖、我一啖，一支水兩份飲，期間看到Toby左手無名指戴上閃爆的兩卡訂婚鑽石戒指。
嚇走家姐姐夫
其後眾人再到附近商場閒逛，向來熱情如火的Toby，全程與未婚夫如「脆麻花」般黐到實，一時十指緊扣，一時翹着及依偎未婚夫臂手撒嬌，表現親暱。未幾發現有記者拍照時，其家姐及姐夫即時閃走，Toby友善對記者說：「我家姐畀你嚇走咗喇。（嚟shopping？）我好鍾意食呢度啲魚蛋，今次特登嚟食，我哋都走喇！」
文：追蹤組