RB玩豬捱冷拍海報
成績躍進的樂隊RubberBand（RB），將於3月21日在Star Hall舉行3場演唱會，日前RB冒着嚴寒到西貢塔門為演唱會拍攝海報，他們笑說：「當日得4.8度，又落微微雨，雷頌德又整蠱我哋，畀我哋啲衫全部係夏裝，凍得我哋騰騰震。」成員泥鯭、阿正就鬼馬攞住樹枝作狀決戰，他們笑說：「郁多啲取暖。」
當日他們租借了一隻養豬來拍攝，但最初隻豬不多聽話，他們笑說：「豬潲佢唔吼，畀啲海膽炒飯佢，佢追住嚟食，食完好鬼聽話。」笑言對了隻豬一日，大家產生感情，問到四子會否戒吃豬肉？他們笑說：「戒咗一日囉。」主音6號表示拍攝時肌肉因凍變得繃緊，回家後才得以放鬆，他笑笑口說：「好似畀人打咗一身。」
