鄭融舞動胸肌再發育
歌手鄭融昨日以Iposh背心裙出席apm舉辦的「創意潮人年宵市集」活動，參觀由中、港、台三地設計師所設計的精品，她表示好鍾意兔仔，希望可以幫襯一下，問到她身形略見發福，她表示：「其實已經食少咗嘢，依家係一百磅，算係我入行以來最重，不過唔知係咪再發育，加上我跳多咗舞，胸部肋骨位好似變大隻咁，（有冇換晒啲bra？）唔話你知，不過試衫就發現膊頭位都闊晒！」
她表示正準備年底的演唱會，將會努力瘦身，問到新年會否希望行桃花運？鄭融說：「我個諗法係唔會去搵，隨遇而安啦，依家跑步練氣練歌最重要！」
