謙仔甘心被唱衰未死心
羅仲謙與Theresa的緋聞鬧得滿城風雨，女方敢愛敢言爆響口卻斷送事業遭到雪藏，但謙仔昨日接受電話訪問卻未有女方半點膽量，只向記者表示不可隨便接受訪問。他說：「我要問過公司先可以答你。（你聽到Theresa被雪有咩感覺？）我都要問過公司先！（但Theresa為咗你先被雪！）我真係唔知佢被雪，我都要問公司先！」
其實謙仔與Theresa的關係錯綜複雜，原本忠於愛情的Theresa遇到同公司的謙仔後即火速撻着，奈何男方與前北京女友「掟煲唔掟蓋」。據知，謙仔與前女友相約被Theresa發現，令Theresa慘受情傷，將謙仔咬住唔放。雖則謙仔被指是感情騙子，形象破產，但其實他對Theresa仍存有愛意，故多次被唱亦未有作出反擊。