王浩信飛葡萄牙 生日冇女陪
藝人王浩信、岑麗香（香香）及黃嘉樂前晚現身機場，為無綫新劇《溏心風暴3》到葡萄牙拍攝外景，不少旅客爭相「集郵」，香香則爭取時間玩big big channel。
香香：我未有BB喎！
香香說：「我諗住去到葡萄牙，直播景色畀大家睇！我見有啲同事影自己食麵、臨瞓搽Cream，都有人睇o架！（一蚊Joe游莨維直播產房剪臍帶！）真係o架？但我未有BB喎！朋友叫我去試葡萄牙葡撻同澳門葡撻有咩唔同！其實我未開big big channel前，份人好宅女！（老公強強去葡萄牙一齊玩？）Join埋當然好，到時先算！」
王浩信則表示囡囡唔畀走：「我未去過葡萄牙，今次會喺嗰邊過埋生日（7月7日）。（囡囡同老婆送咩禮物？）未呀！頭先出門口，個女好唔捨得，我同佢攬攬抱抱咗一陣先出到嚟，或者遲啲抽時間同太太帶個女去旅行！」黃嘉樂說：「雖然我客串性質，但監製好好，預埋我去葡萄牙！」