明星快拍：瑪姬私相簿 單身也快樂
新城DJ瑪姬被不少人譽為全港最靚女DJ，她精通兩文三語，除了電台開咪工作外，更獲邀擔任品牌活動司儀。伊人每次出騷都會影相做紀念，然後放上微博分享，吸引不少擁護者甚至追求者紛紛留言，廣受歡迎！
最近啱啱我生日，同好多朋友分別食飯慶祝，生日願望梗係搵個男友啦！我差唔多三年冇拍拖喇，可能係公司風水麻麻地，好多女DJ都單身，我之前寫兩本書都係講單身女仔，希望下一本可以向大家報喜。
呢個蛋糕係老闆銳哥送，無喇喇我開緊咪拎入直播室，都幾驚喜，其實好多謝公司同老闆畀好多機會我，有時又放我出去接吓司儀工作咁，大家都好錫我。
呢個牌係有次去澳洲旅行買，因為身邊好多同事都叫我減肥，多到我索性唔回應，有人再話我，我就指住個牌，不過放咗出嚟之後真係少咗人話我肥，事關我好鍾意食嘢，辛苦搵來自在食嘛！
