杜汶澤窮奢極侈嗌爽

杜汶澤早前拍攝信用卡廣告，飾演富豪大亨，故此廣告中阿澤的多個造型都以豪華誇張為主，包括皮草、浮誇飾物、閃爆眼鏡等；加上阿澤需每日不停走景拍攝出街消費的畫面，如到戲院看戲、便利店飲紅酒等，出入更有多位外籍男保鏢「傍住」，氣勢十足，相當富貴！

杜汶澤扮演富豪，當然少不了豪情暢飲的畫面。

杜汶澤到便利店買紅酒，多名保鏢在旁護駕。

美女伴舞

自篤信佛學後，阿澤的生活變得簡樸，戒煙戒酒，如今做窮奢極侈的「上等人」，他笑言：「真係冇幾何！近年生活真係好簡樸，好在呢幾年都識到一啲富豪大亨，所以（扮富豪）都難唔倒我嘅。」談到最難忘的場口，阿澤表示：「有一場係講我去夜店，因為自從戒咗酒之後，都好耐無去過夜店，所以下午時分可以去跳吓舞，身邊又有靚女同啲外籍人士咁，真係幾好feel！導演仲叫我自己玩、自己跳，等佢嚟捕捉鏡頭，夠晒自然。」

酬勞滿意

近期，阿澤與汪明荃演出的《女王辦公室》熱播中，加上其監製電影《前度》又入選香港國際電影節閉幕電影，風頭一時無兩，問阿澤廣告商有否給予極佳酬勞？他表示：「總之滿意價啦。」

文：影視組