呂方粉色新look闖紅館

早前呂方現身尖沙咀，Kenneth為他度身塑造粉色主題造型，還大讚呂方形象可變，容易配合不同大膽造型，Kenneth說：「佢嘅形象可變，幫佢設計嘅衫會嘗試大膽啲，例如粉色系列，令觀眾有新鮮感外，仲可以打破男歌手做騷多數用沉色嘅傳統！」

更易投入

站在鏡前的呂方不住欣賞Kenneth為他選的粉紅色外套，更對造型讚不絕口，看來非常有信心。剛完成錄音工作的他透露，新專輯將全數收錄國語歌，主攻內地及台灣市場，當中包括了一首原創歌曲，他說：「以前錄音多數都用假樂器，不過今次交由倫永亮編曲，錄音過程中全部採用原音樂器，令我喺成個過程中更易投入。」

爵士曲風

對於新歌風格，呂方說：「今次的專輯將以中樂及爵士樂風格為主，而且容易上口，所以錄音過程只需兩take就錄好。」問他有否計劃於內地開show？呂方說：「近期會先籌備明年三月一連三日的演唱會，內地市場仍然喺策劃階段，但可能性好高。」

文：專案組　攝影：謝國華