何基佑清明節娶妻
無綫主持兼基督徒何基佑早前求婚成功，明年迎娶同為教徒女友Charis，日前兩口子到九龍塘的伊甸園玻璃教堂視察環境，兩人在教堂內預演婚禮，期間禁不住攬到實一實，儼如糖黐豆，兩人又玩甜蜜自拍，愛得癡纏！
基佑表示暫定明年四月的清明節舉行婚禮，他笑言：「貪佢係公眾假期。（擺酒？）唔會，根據我過往出席朋友婚宴嘅經驗，擺酒係好忙同好攰嘅事，所以簡單為主，到時會以cocktail形式舉行，同安排朋友唱聖詩，會叫埋高皓正及周永恒幫手。仲將婚禮狀況現場直播，畀喺外地嚟唔到嘅親友欣賞。（生BB？）都係三、五年後嘅事，我哋要享受二人世界。」
