Rosanne圓母心願想生仔
懷孕後首次露面的Rosanne，在妹妹Race陪同下以代言人身份出席美容剪綵儀式。懷孕三月仍穿高踭鞋的Rosanne說：「一起身就嘔，成日都對住個廁所。妹妹好體貼，成日都陪住我，有時見我嘔得辛苦仲問我使唔使搽藥油，我老公要返工嘛！（想生仔定女？）仔啦！因為媽咪已經有三個女，想我生仔，將希望放喺我度。」她又稱已三個月沒穿高踭鞋，今次是破例一次。在旁的Race笑言：「通常都係我着高踭鞋仆親，要家姐照顧我呀。」
Rosanne表示預產期為明年二月，Race聞言即更正是明年五、六月。Rosanne說：「我只係睇過一次醫生，成日都會計住，但每次都計錯。暫時我都未知喺邊度生，依家為止我都係重咗一公斤。」