羅孝勇 解緋聞口窒窒
「巨聲幫」的羅孝勇（Sheldon）和林欣彤（Mag）盛傳「撻着」，本報上周五便拍到阿Mag收工後即「飛的」前往羅孝勇堅道的寓所夜會。昨日羅孝勇出席時裝匯演時被追問，他尷尬謂一班「巨聲同學」經常愛「飛的」到他家打機和玩音樂。至於為何上周五阿Mag夜訪其家？羅孝勇即辯稱：「佢留低咗啲嘢，但我當時唔喺屋企嘅。」
被問到人不在阿Mag都照出入你家時，羅孝勇嚇得口窒窒說：「佢打咗畀我，我媽咪喺屋企。（證明阿Mag同你媽咪好熟？）咁成班都同我媽咪熟嘅。」羅孝勇亦否認與阿Mag是情侶關係：「我哋係好friend，成班都好似family咁。」他更自爆母親都有問他與阿Mag緋聞，不過現時他只會專注工作。