JM拍拖玩神秘封嘴求饒
Janice Man（文詠珊）被指因公司打壓而被迫與圈外男友阿峰分手，昨日她出席代言品牌活動時，被追問與男友感情關係，Janice強調沒有受到打壓，但就拒絕效法「陳蔡戀」將感情事浮面，更要求傳媒放她一馬。
Janice Man昨日以吊帶裙青春造型，出席其擔任代言人的日本護膚品牌DOCTOR KITS記者會，JM更即場為一男一女的模特兒做護膚示範。提到現在中日關係敏感，JM表示：「護膚品點都要用，最緊要啱唔啱自己，都唔會理喺邊度地方，係好個人選擇。（去日本宣傳？）暫時都係香港，但都想去多啲地方工作。
闖日等安排
近日不少新一代女藝人到日本發展，問JM會否到當地分一杯羹？她說：「等公司安排適合嘅工作，唔會局限去邊個地方，或者刻意唔去邊度。」她更賣口乖大讚品牌的員工很family，拍攝時候買了很多日本小食給她品嘗。
對於一直有指JM與圈外男友阿峰的戀情公司打壓下分手，JM否認說：「冇打壓。」是否仍在拍拖關係？JM繼續玩神秘說：「唔答啦！」她否認唱片公司不准她說感情事，只是想有自己空間，努力工作。再問到與男友拍拖是否要前後腳？JM即撒嬌說：「你哋又問啦，真係好難答，可唔可以放過我呀！」
拒效陳蔡戀
阿Sa（蔡卓妍）與陳偉霆高調公開戀情，不過JM卻無意將感情事掛在口邊，她謂：「總之喺我立場，就好想有番啲私人空間。」當問到老闆黎明見過其男友未？JM一臉尷尬向記者說「Bye Bye」，沒好氣地離開。
文：音樂組