阿佘缺席台慶北上搵銀
佘詩曼昨日以可觀酬勞於鞋騷中以壓軸嘉賓示人，同台還有諸葛梓岐、林莉、莊思敏、汪圓圓等。阿佘自嘲「鞋癡」，家中有二百多對鞋，最貴一對價值二萬多元。
唔在意爭視后
阿佘透露趁這十日不用拍劇，故爭取「搵銀」機會，之後便會上大陸拍劇，她說：「台慶應該返唔到嚟，（咁攞獎點？）公司會安排，（視后都係你同九姑娘（鄧萃雯）爭，係咪多咗信心？）有冇信心唔重要，最緊要係播時觀眾鍾唔鍾意，上次《公主嫁到》收視、口碑好好，成件事已好圓滿。」
阿佘又表示頻頻接工作，收入暫時已多過舊年，已攞到不少Bonus，獎項會隨緣。
諸葛梓岐認婚
至於今年另一「視后」熱門人馬鄧萃雯，之前被雜誌刊登了陳年露背照，昨日她接受查小欣訪問時表示，如果角色需要，她不介意拍床上戲。對於《義》劇收視，她坦言有點失望，但不認為收視高就是高質素的節目。
有份行騷的諸葛梓岐默認男友求婚成功，二人好事近。她早前被影到戴上婚戒，昨日她坦承在計劃中，但時間未落實。
文：影視組