阿嬌渡輪哈囉喂
鍾欣桐（阿嬌）日前於渡海小輪舉行歌迷聚會，跟百位扮鬼扮馬歌迷預祝萬聖節，阿嬌笑言大家的妝效非常嚇人，更稱：「之前一直都喺大陸拍劇，冇咩時間同歌迷見面，今晚可以同大家一齊盡興，一齊哈囉喂！」
阿嬌在眾多鬼怪中選出骷髏人及貓女，二人跟阿嬌一齊行catwalk，非常熱鬧，阿嬌說：「雖然好多歌迷話好開心見到我，但其實我都一樣咁開心，我都好耐冇坐過渡海小輪，咁浪漫去欣賞維港夜景，不過大家今晚個造型咁爆，個氣氛好矛盾囉。」她透露11月13日將於澳門舉行Twins 演唱會，希望歌迷再次一齊過大海支持。
