基仔決心療傷 靠劉翔撐腰
古巨基以壓軸嘉賓身份出席世博閉幕式晚會，跟中、台歌手合唱主題曲大感榮幸，還獲好友「中國欄王」劉翔窩心問候，令基仔的起心肝及早醫治困擾多時的腰患。
基仔昨晚壓軸登場演出假上海舉行的世博閉幕式晚會，和兩岸三地歌手，包括大陸的解小東（前名解曉東）、湯燦及台灣歌手張韶涵合唱主題曲《為明天》。其他參演藝人有世博會形象大使成龍、林志玲、黃奕及韓紅，中國運動員有劉翔、前「體操王子」李寧及孫海平，連國家領導人溫家寶及各國領導人亦有出席。
望亞運會再相逢
基仔日前綵排時，巧遇已有半年沒見的劉翔，他說：「佢知我條腰受傷，就叮矚我盡早睇醫生，照埋X光就最安全，佢咁關心我，我會盡快返香港就醫。」他指因劉翔要積極備戰亞運會，無暇相約食飯，故希望稍後出席亞運會活動時，可再和參賽的劉翔敍舊兼為對方打氣。
問劉翔可有叫他戒口？基仔笑言醫生曾告誡他勿吃蝦蟹，可是因上海太多美食，又是食大閘蟹季節，結果他忍不住破戒，他說：「我食咗一隻大閘蟹啫，醫生睇唔到就當無食過，唔會有人知架。」
順道遊世博趁墟
基仔此行亦有順道一遊世博，他說：「我去嗰日仲係世博入場人數最高嗰日，有成百萬多人次，真係人山人海！但好好秩序喎，我好開心見證到呢個咁墟冚場面。」
基仔坦言心急回港看醫生及休息養傷，可是之後仍要飛往天津及廣州出席各大活動，故現時視假期為遙不可及的願望。
文：音樂組