連詩雅被拍心口尷尬冇符
華納力捧女歌手連詩雅（Shiga）入行前曾經當BB gym助教，她自爆曾遭小朋友「非禮」，當眾用手拍打她的心口，嚇得她呆立當場，一臉尷尬兼面紅耳熱。
非常喜歡小朋友的Shiga，簽約唱片公司前曾經在playgroup當BB gym助教，教導五歲以下的小朋友做運動，幫助他們肌肉發展。她說：「教小朋友係要好有耐性同愛心。」
氹男人有經驗
有人形容男人像最大的細路，Shiga笑着認同：「我諗我將來御夫都好叻，其實男人同細路仔一樣，鍾意人氹，咁我都算有啲經驗。」
日前Shiga應邀出席電台節目《Gimme 5》，分享做BB gym助教的樂趣。她親自寫下簡單的教學課程，並即席示範教導兩個小朋友做gym。Shiga先跟小朋友唱歌做運動熱身，之後教他們打觔斗、推呼拉圈學平衡等，見她玩到身水身汗，相當搞笑。
原諒無心之失
Shiga當助教時遇到很多趣事，更自爆曾遭一位男童「非禮」。她笑說：「個男童係全班最大，大家坐地氈唱歌仔，佢突然用手拍我心口，當時真係好愕然，令我好尷尬。都有諗佢係咪特登，自己面都紅晒。」後來她知道男童並非與父母同住，而是跟爺爺嫲嫲長大。她說：「我諗爺爺嫲嫲冇教佢呢樣，所以佢冇意識，唔知咁做係唔啱。」
文：音樂組