譚杏藍不捨古卓文搬走
星光家族成員譚杏藍（小花）日前被爆與另一成員古卓文同居逾年，小花大呼二人冇可能！她說：「我哋都冇時間拍拖啦，同埋佢本來係住喺另一個參賽者屋企，亞視其實安排咗宿舍畀佢，不過佢嫌大埔遠，唔想入去先住喺我度。」
小花大談其擇偶條件：「我鍾意中國男人，有親切感吖嘛！之前去咗外國成年都冇同過外國男仔拍拖。」小花又笑指母親當初怕古卓文心懷不軌：「咁佢個樣又鬼鬼哋，唔太值得信任咁，頭三個月我媽咪都打開房門瞓，驚佢鹹濕。」但經過朝夕相處後，她與母親已視古卓文為家人，對於他即將搬走都不捨得。