衞蘭避風頭押後出碟
世紀颱風「鮎魚」強勢襲港，連衞蘭（Janice）都要避風頭，原定今日出碟亦要押後至下周，唔想fans冒險掃碟，發生任何危險。
剛完成演唱會的Janice，原定今日推出新碟《Love Diaries》，但因颱風「鮎魚」逐漸逼近，Janice惟有甘拜下「風」，她說：「『鮎魚』風勢好犀利，聽講聽日最接近本港，可能唱片店都要休息，我擔心歌迷去買碟途中發生危險，寧願將新碟押後推出，最緊要歌迷安全。」
新碟封套被讚
其實Janice之新碟封套曾在其演唱會上曝光，歌迷紛紛在討論區上大讚設計清新，並向網友推薦偶像新歌《你的女人》、《積雪》和《愛在天地動搖時》，令Janice感到十分振奮，覺得之前在演唱會上的努力沒有白費。
授勳儀式改期
另外，Janice並公開感激監製雷頌德，她謂：「好多謝佢幫我揀咗咁多好歌，本來諗住設宴答謝唱片公司同經理人公司嘅同事，不過工作排得密麻麻，惟有延期舉行。」
除了Janice新碟受「鮎魚」影響延期外，連原定周六舉行的授勳儀式亦要改期，受影響的包括獲頒大紫荊勳章的何鴻燊及銀紫荊勳章的吳宇森。而張可頤昨日亦趕往超市入貨，並在微博上載新相留言：「打風去超市入完貨，終於可以坐低嘞。」
文：音樂組