唐詩詠中藥脫孱

無綫小花唐詩詠最近與黃浩然、楊怡等合作新劇《真相》，她自言一向體弱多病，尤其在夏天開工好容易會中暑暈倒，故拍攝時候經常被黃浩然取笑：「你又暈呀？」

靠想像挑戰大

為剔除「孱妹」之名，詩詠幾個月前開始食中藥調理身體，她表示：「因為我血壓偏低，所以一向面色唔係幾好，又易暈，同我合作嘅人都好驚，依家食咗中藥後都幾有效，即使唔夠瞓都冇事。」

據知《真相》部分故事是由真人真事改編而成，詩詠覺得好有挑戰性，她說：「故事唔係憑空想像，要去諗番當事人感受，覺得好有新鮮感。」

視陳錦鴻師傅

緊接《真相》後，詩詠又會接拍一部清裝劇，她表示會向「師傅」陳錦鴻請教，她說：「我同錦鴻合作過好多部劇，視佢為師傅，因為佢演戲好叻，即使唔係同佢合作，但問到都好肯教我，真係好好人。我覺得錦鴻最拿手係演古裝，佢教我要睇多啲大陸劇，感受一下人哋嘅演繹方法，再自己去諗，希望令自己演技再好啲。」

文：專案組