鄺敏慧搣甩暴食爭氣搏殺
被舊愛崔建邦一打成名的中巴鄺敏慧，經過一場身心俱疲的戀愛後，今天再度站起來重新面對自己。中巴坦言那次經歷一度否定自己的價值，更暴飲暴食還差點患上厭食症。
中巴在被打後，當日全港傳媒日夜守候其住所。「嗰段時間我真係好唔開心，成日匿喺屋企喊，頭一個月真係唔想食嘢，無論媽咪煮或者買畀我食，我就拎入房將食物收埋，之後再搵機會掉咗佢，差啲就有厭食症！」
痛定思痛的中巴覺得不應再如此下去。「我覺得要爭氣，唔想媽咪同家人擔心，我開始食番嘢，不過就愈食愈多，可能係發洩，尤其零食真係唔離口，加上當時少job，日食夜食，體重最高峰超過120磅！」
大方讚舊愛
中巴為好好發展事業，下決心修身減肥，初時十分辛苦，結果四個月不吃零食，加上陳啟泰教修身方法奏效，回復信心，如今目標是做形象指導及出色的主持，在她心目中，有三大主持包括森美、鄭裕玲和舊愛崔建邦是值得欣賞。和舊愛崔建邦雖不快分手，但中巴甚有氣度依然讚賞對方，不過，她坦言無膽再闖情關。「如果真係要拍拖，我想搵一個伴侶，有冇錢都得，一齊捱冇所謂。女人要獨立，唔好靠人。」
文：Tracy Leung 攝：司徒國榮