陳志雲硬淨依然故我

陳志雲因涉嫌收賄案暫時停工，儘管不能在電視台一展口才，但他藉着這個空檔，重新編排自己的時間表，坦承有很多人想分享他的小智慧。不過他亦遇上不少智慧型人，從他們身上悟出小智慧，有很大得着。

自我價值毋須張揚

有次乘的士和司機閒聊，司機叫他不要嘥時間，他說：「佢話唔知自己做乜先叫浪費，真正休息唔係浪費。呢個係的士司機畀我嘅小智慧。」他在這段時間曾先後到以色列和台灣旅遊，在台灣遊覽一所翡翠文化博物館和館長成了朋友，他說：「館長係一個好有理想嘅人，佢同我講有一種石叫做賭石，打開之後才知道內裏翡翠的真正價值，但有冇打開唔重要，翡翠自己會知道，唔好太着重人哋點睇你，自己知自己價值就得。」

　志雲大師形容是次休息整個人都沒有改變過：「我都係我，只係以前有活動，一個星期7日都返工，依家時間唔同，但人無改變始終係我。」早前他到醫院做全身檢查，且留院住了一晚，哪身體無恙嗎？他說：「感激上帝，身體無問題。」藉住這次身體檢查同時讓他檢討了自己的生活。

維港豪宅不用錢買

志雲亦有留意近期熾熱的樓市，無敵維港景豪宅在他心中，有另一番見解：「想要維港景其實唔使錢，記喺腦裏面就得，想下就會喺你面前出現。目光短淺，思想無限大，心唔大，覺得間屋唔大。」

注重儀容愛白牙

一向觀人於微的志雲大師，認為給人第一個印象好重要，故擁有一副潔白的牙齒和整齊的髮型，對交際很有幫助，早前他接受訪問之前，先到髮型屋洗頭，然後做牙齒美白，認真大陣仗。