何潤東未明大S心意唔敢亂嚟
何潤東（Peter）與徐熙媛（大S）因拍劇而傳出緋聞，加上兩人不時於微博傳情，fans實行撥扇催谷。正當外間認為「東媛戀」隨時誕生，Peter卻表示與大S尚未深入了解，未能確定對方是否其「真命天女」，不過他坦言非常欣賞大S，並說：「單一方面係控制唔到！」
Peter與大S去年因拍台灣偶像劇《泡沫之夏》結緣，雖然尚有另一男主角黃曉明，但一眾劇迷還是將焦點放在Peter及大S身上，由於兩人於劇中是一對，令fans將兩人角色投射現實，經常於微博討論他們，還以暱稱「PS」代表Peter與大S。早前大S手部受傷，Peter即在微博留言問候；又例如大S生日，Peter即親筆畫畫賀對方生日，fans每次得悉亦表現興奮，還着他們公開戀情，認真誇張。
無法深入認識
對於fans如中「劇」毒，Peter表示很高興，因以製作人及演員身份來看，有此結果等於獲觀眾認同。問到大S是否他喜愛的類型，Peter笑謂：「佢好好人，不過我大部分見佢都因為工作，無法深入認識，私下佢點同朋友相處都唔知。（係咪你杯茶？）總之佢係我好欣賞嘅女藝人，但單一方面係控制唔到！所以我冇辦法肯定。」Peter揚言不在意緋聞，會與大S繼續做朋友，平日也會以短訊和微博聯絡。
收入全獻母親
近年長期逗留內地發展的Peter，與父母聚少離多，幸而雙親明白事理，未有干預半句。孝順的他更把所有收入給母親管理，每月只拿零錢備用。他謂：「我冇咩時間使錢，又唔係好追名牌，但媽咪就覺得做明星唔可以咁寒酸，成日要我買多啲衫。」
文：影視組
攝：攝影組
場地：都會海逸酒店
服裝：Y3