廖碧兒公開追婚 陳豪表心迹：即興就結
經常公然打情罵俏的陳豪和廖碧兒，廖碧兒昨突然開聲問陳豪會否結婚，冧爆的陳豪隨即「承諾」明日即興結婚也不定。
陳豪和廖碧兒這對緋聞男女昨以情侶檔出席Armani Exchange 2010秋冬服飾展暨大中華區最大專門店開幕酒會，對於歌手陳偉霆和蔡卓妍（阿Sa）公開「陳蔡戀」，問他們何時會公開「陳廖戀」？陳豪詐傻扮懵反問陳蔡戀是否屬實，對藝人公開戀事，廖碧兒說：「唔關做藝人事，係個人想唔想公開，好似我家姐初初拍拖，因未穩定，都冇同屋企人講，到舒服先講，（你哋到舒服先講？）我細個拍拖都係咁，唔係一拍即講，要拍得耐先講，（你哋兩個拍咗好耐？）我哋拍檔咗好耐。」
認低調少講戀事
陳豪指自己向來低調，戀事會少講為妙，希望保留空間，他說：「尊重係好重要，有啲人相處覺得舒服，鍾意同人分享，如果問我，我個人好低調，（等結婚才公開？）唔特別講，又唔會唔講。」此時，身旁的廖碧兒，即向陳豪問：「你會唔會結婚？」陳豪冷不防有此一問，笑得勁冧，說：「可能聽日結婚，依家唔興計劃結婚，興即興。」
徐子珊上圍縮水
同場的徐子珊性感谷胸上陣，透露稍後要拍瘦身廣告，故努力keep fit，直言上圍亦有縮水，出街前亦要將上圍縫得緊一點，有傳她近日靚咗而傳她整容，她自認怕死，不考慮整容。而在《少年李小龍》中飾演情侶的李治廷和謝婷婷，因拍劇而變得熟稔，而且兩人都是說英語，更加同聲同氣，連導演都笑問是否轉了英文台。
文：名人組